കോഴിക്കോട്: ഡല്‍ഹിയില്‍ നടക്കുന്ന സുബ്രതോ ഫുട്ബാള്‍ ചാംപ്യന്‍ഷിപ്പില്‍  കേരളത്തെ പ്രതിനിധീകരിക്കുന്ന ഫാറൂഖ് കോളജ് ഹയര്‍ സെക്കന്‍ഡറി സ്‌കൂളിനു രïാം ജയം. ഇന്നലെ നടന്ന  മത്സരത്തില്‍ മധ്യപ്രദേശിനെ എതിരില്ലാത്ത അഞ്ചു ഗോളിനാണ് ഫാറൂഖ് കോളജ് ഹയര്‍ സെക്കന്‍ഡറി പരാജയപ്പെടുത്തിയത്.
16, 32 മിനുട്ടുകളില്‍ ഇനായത്തും 22ാം മിനുട്ടില്‍ ഗിരീഷ് രാജും 69ാം മിനുട്ടില്‍ അമലും 35ാം മിനുട്ടില്‍ അഖിലുമാണ് സ്‌കോര്‍ ചെയ്തത്. കഴിഞ്ഞ ദിവസം അസമിനെ എതിരില്ലാത്ത ഗോളിനു പരാജയപ്പെടുത്തിയ ടീം ഉത്തര്‍പ്രദേശിനോട് ഒരു ഗോളിനു പരാജയപ്പെട്ടിരുന്നു. ടീമിലെ മുഴുവന്‍ താരങ്ങളും സെപ്റ്റ് അക്കാദമിയില്‍ പരിശീലിക്കുന്നവരാണ്. ഇന്നു നടക്കുന്ന മത്സരത്തില്‍ ദാമന്‍ ഡിയുവിനെ നേരിടും.