കോഴിക്കോട്: ദേവഗിരി സെന്റ് ജോസഫ്‌സ് കോളജില്‍ നടന്ന വിദ്യാര്‍ഥി യൂനിയന്‍ തെരഞ്ഞെടുപ്പില്‍ എസ്.എഫ്.ഐക്കു മികച്ച വിജയം. ഒന്‍പത് ജനറല്‍ സീറ്റുകളില്‍ ആറും എസ്.എഫ്.ഐ നേടി. കെ.എസ്.യു മൂന്ന് സീറ്റില്‍ വിജയിച്ചു.
എസ്.എഫ്.ഐ സ്ഥാനാര്‍ഥികളായ ജനറല്‍ സെക്രട്ടറി എഫ്. മെല്‍ബിന്‍, ജോ. സെക്രട്ടറി ദൃശ്യ ടി. ദാസ്, യു.യു.സി എന്‍.കെ വിനായക്, ഫൈന്‍ ആര്‍ട്‌സ് സെക്രട്ടറി എം.എസ് വിഷ്ണു, മാഗസിന്‍ എഡിറ്റര്‍ എസ്.കെ ഹാശ്മി, ജനറല്‍ ക്യാപ്റ്റന്‍ റോയ് റോജസ് എന്നിവരാണു വിജയിച്ചത്. കെ.എസ്.യുവില്‍ ചെയര്‍മാനായി തേജസ് ജോസ്, വൈസ് ചെയര്‍പേഴ്‌സനായി അമയ ഉണ്ണികൃഷ്ണന്‍, യു.യു.സിയായി മിലന്‍ എന്നിവരും വിജയിച്ചു.
എസ്.എഫ്.ഐ പ്രവര്‍ത്തകര്‍ കാംപസില്‍ ആഹ്ലാദ പ്രകടനം നടത്തി. സ്ഥാനാര്‍ഥികളെ വിജയിപ്പിച്ച വിദ്യാര്‍ഥികളെ എസ്.എഫ്.ഐ, കെ.എസ്.യു നേതാക്കള്‍ അഭിവാദ്യം ചെയ്തു.