നരിക്കുനി: പുല്ലാളൂര്‍ ശൈഖുനാ പാറന്നൂര്‍ പി.പി ഇബ്‌റാഹിം മുസ്‌ലിയാര്‍ മെമ്മോറിയല്‍ അക്കാദമിക്ക് കീഴില്‍ 2016 ഒക്ടോബര്‍ 16 മുതല്‍ 19 വരെ നടക്കുന്ന പരിപാടിയുടെ വിജയത്തിന് വിവിധ സബ്കമ്മിറ്റികള്‍ രൂപീകരിച്ച് പ്രവര്‍ത്തനം പുരോഗമിക്കുന്നു.
ആണ്ടുനേര്‍ച്ച, മതപ്രഭാഷണങ്ങള്‍, അനുസ്മരണം, സനദ്ദാനം, സാംസ്‌കാരിക സമ്മേളനം, ഓഫിസ് ഉദ്ഘാടനം, ജില്ലാതല മജ്‌ലിസുന്നൂര്‍ വാര്‍ഷികം, ദിക്ര്‍-ദുആ സമ്മേളനം, വനിതാസംഗമം, പ്രവാസി സംഗമം തുടങ്ങിയവയാണ് പരിപാടികള്‍.  പരിപാടികളില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍, സയ്യിദ് ജമലുല്ലൈലി തങ്ങള്‍, എ.എം നൗഷാദ് ബാഖവി (ചിറയിന്‍കീഴ്) അന്‍വര്‍ മുഹിയുദ്ദീന്‍ ഹുദവി ആലുവ, അഷ്‌റഫ് റഹ്മാനി (കാസര്‍കോട്) ആനമങ്ങാട് മുഹമ്മദ് കുട്ടി ഫൈസി, ശൈഖുനാ ഉമര്‍ മുസ്‌ലിയാര്‍ (കിഴിശ്ശേരി) മന്ത്രി എ.കെ ശശീന്ദ്രന്‍ എന്നിവര്‍ സംബന്ധിക്കും.