നരിക്കുനി: പൂനൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ എസ്.എസ്.എല്‍.സി വിജയോത്സവ പദ്ധതിയായ വിജയമധുരം 2017ന്റെ ഭാഗമായി അധ്യാപകര്‍ ഗൃഹസന്ദര്‍ശനം തുടങ്ങി.
ഉണ്ണികുളം ഗ്രാമപഞ്ചായത്ത് പ്രസിഡന്റ് ഇ.ടി ബിനോയ് ഉദ്ഘാടനം ചെയ്തു. വിദ്യാര്‍ഥികളുടെ പഠനപുരോഗതി രക്ഷിതാക്കളെ നേരില്‍കണ്ട് അവതരിപ്പിക്കാനും സാഹചര്യങ്ങളും പ്രയാസങ്ങളും മനസ്സിലാക്കി കുട്ടിയെ കൂടുതല്‍ അടുത്തറിയാനുമാണ് സന്ദര്‍ശന പരിപാടി.
നാനൂറോളം കുട്ടികളാണ് ഈ വര്‍ഷം സ്‌കൂളില്‍ എസ്.എസ്.എല്‍.സിക്ക് തയാറെടുക്കുന്നത്. പി.ടി.എ പ്രസിഡന്റ് നാസര്‍ എസ്റ്റേറ്റ്മുക്ക് അധ്യക്ഷത വഹിച്ചു.
 എം. മുഹമ്മദ് അഷ്‌റഫ്, ഡെയ്‌സി സിറിയക്, എ.വി മുഹമ്മദ്, കെ. മുഹമ്മദ്, കെ.പി അബ്ദുസ്സലീം, വി.അബ്ദുല്‍ സലീം, ഇ.വി അബ്ബാസ്, പി.ടി സിറാജുദ്ദീന്‍ സംസാരിച്ചു.