കുന്നൂര്‍: കുന്നൂര്‍ കണ്ണേരിമുക്കില്‍ കരാറുകാരനെ കൊലപ്പെടുത്തിയ സംഭവത്തില്‍ ഒരാള്‍ പിടിയില്‍. എ.ഐ.എ.ഡി.എം.കെ വാര്‍ഡ് കൗണ്‍സിലറായ മലരിന്റെ ഭര്‍ത്താവും കരാറുകാരനുമായ സുബ്രഹ്മണ്യ (45)നെ കഴുത്ത് ഞെരിച്ചു കൊലപ്പെടുത്തിയ സംഭവത്തില്‍ പ്രദേശത്തുകാരനായ പെരിയസ്വാമി(45)യെയാണ് ഡിവൈ.എസ്.പി തമിഴ്മണിയുടെ നേതൃത്വത്തിലുള്ള സ്‌പെഷല്‍ സംഘം അറസ്റ്റു ചെയ്തത്. സുബ്രഹ്മണ്യനെ കഴിഞ്ഞ ബുധനാഴ്ച രാവിലെയാണ് റോഡരികില്‍ മരിച്ച നിലയില്‍ കണ്ടെത്തിയത്. ഇയാളിലൂടെ കൂടുതല്‍ പ്രതികളിലേക്കെത്താമെന്ന പ്രതീക്ഷയിലാണ് പൊലിസ്.