ആലത്തിയൂര്‍: വിടപറഞ്ഞത് ആലത്തിയൂരിന്റെ നിറസാന്നിധ്യമായിരുന്ന നാട്ടുകാരുടെ സ്വന്തം കോണ്‍ഗ്രസ് ബാവ. നാട്ടിലെ മിക്കപ്രശ്‌നങ്ങള്‍ക്കും പരിഹാരം കാണുന്നതില്‍ ബാവക്കയുടെ സാന്നിധ്യം ശ്രദ്ദേയമായിരുന്നു. യൗവനകാലം മുഴുവന്‍ കോണ്‍ഗ്രസിന്റെ സജീവ പ്രവര്‍ത്തകനായിരുന്ന ബാവ പിന്നീട് സി.പി.എമ്മില്‍ ചേര്‍ന്നു.
പാര്‍ട്ടി മാറിയെങ്കിലും ഖദര്‍ കുപ്പായത്തിലല്ലാതെ ബാവക്കയെ ആരും കണ്ടിട്ടില്ല. അതുകൊണ്ടുതന്നെ കോണ്‍ഗ്രസ് ബാവയന്ന പേരിലാണ് അറിയിപ്പെട്ടത്.
മൂന്നുതവണ തൃപ്രങ്ങോട് പഞ്ചായത്ത് അംഗമായിരുന്നു. 1979 സ്വതന്ത്രനായും 1988ലും 95ലും സി.പി.എം ചിഹ്നത്തിലുമാണ് മത്സരിച്ചു ജയിച്ചത്.