മൂവാറ്റുപുഴ: സര്‍വശിക്ഷാ അഭിയാന്‍ ബി.ആര്‍.സി കല്ലൂര്‍ക്കാടിന്റെ ആഭിമുഖ്യത്തില്‍ ഗാന്ധിജയന്തി ശുചിത്വവാരാഘോഷ സമാപന റാലി വാഴക്കുളത്ത് നടന്നു. മഞ്ഞള്ളൂര്‍ ഗ്രാമപഞ്ചായത്ത് പ്രസിഡന്റ് ജോസ് പെരുമ്പിള്ളിക്കുന്നേല്‍ റാലി ഫ്‌ളാഗ് ഓഫ് ചെയ്തു.
ആവോലി ഗ്രാമപഞ്ചായത്ത് പ്രസിഡന്റ് ജോര്‍ഡി എന്‍ വര്‍ഗീസ്, ആയവന ഗ്രാമപഞ്ചായത്ത് പ്രസിഡന്റ് സാബു വള്ളോംകുന്നേല്‍, മഞ്ഞള്ളൂര്‍ ഗ്രാമപഞ്ചായത്ത് വൈസ് പ്രസിഡന്റ് രാജശ്രീ, പഞ്ചായത്തിലെ മെമ്പര്‍മാര്‍, സദ്ധസംഘടനാ പ്രവര്‍ത്തകര്‍, വിവിധ സ്‌കൂളുകളെ പ്രതിനിധീകരിച്ച് സ്റ്റുഡന്റ് പൊലിസ് കേഡറ്റ്, ജൂനിയര്‍ റെഡ് ക്രോസ് കുട്ടികളും അധ്യാപകരും ബി.ആര്‍.സി പ്രതിനിധികളും റാലിയില്‍ പങ്കെടുത്തു.
കുട്ടികള്‍ ദണ്ഡിയാത്ര അനുസ്മരിക്കുകയും 400 ഓളം കുട്ടികള്‍ റാലിയില്‍ പങ്കെടുക്കുകയും ചെയ്തു.
റാലി കല്ലൂര്‍ക്കാട് ജങ്ഷനില്‍ നിന്ന് ആരംഭിച്ച് വാഴക്കുളം പഞ്ചായത്ത് ബസ് സ്റ്റാന്‍ഡില്‍ അവസാനിപ്പിച്ച് ബസ് സ്റ്റാന്‍ഡും പരിസരവും ശുചീകരിച്ചു.