പറവൂര്‍: എ.ഐ.വൈ.എഫ് കുഞ്ഞിത്തൈ യൂനിറ്റും ബാലവേദിയും സംഘടിപ്പിക്കുന്ന സര്‍ഗോത്സവത്തിന് ഇന്ന് തുടക്കമാവും. രാവിലെ 10ന് സി.പി.ഐ പറവൂര്‍ മണ്ഡലം സെക്രട്ടറി കെ.ബി അറുമുഖന്‍ പതാക ഉയര്‍ത്തും. തുടര്‍ന്ന് എസ്.എന്‍ സ്‌കൂള്‍ പരിസരത്ത് കുട്ടികളുടെ കായിക മത്സരങ്ങള്‍. 12ന് മടപ്ലാതുരുത്ത് നാസിക്ദുല്‍ ബാലവേദി.
വൈകിട്ട് അഞ്ചിന് നടക്കുന്ന സമ്മേളനം കുഞ്ഞിത്തൈ സഹകരണ ബാങ്ക് പരിസരത്ത് ബ്ലോക് പഞ്ചായത്ത് വൈസ് പ്രസിഡന്റ് രമശിവശങ്കരന്‍ ഉദ്ഘാടനം ചെയ്യും. എം.യു.എം അയൂബ് അധ്യക്ഷതവഹിക്കും. സമ്മേളനത്തില്‍ പഴയകാല ഓണക്കളി ആശാന്മാരെ മുന്‍ പഞ്ചായത്ത് വൈസ് പ്രസിഡന്റ് വര്‍ഗ്ഗീസ് മാണിയാറ ആദരിക്കും.