അങ്കമാലി: തെരുവുനായകളുടെ ആക്രമണത്തില്‍ ആടുകള്‍ നഷ്ടപ്പെട്ട മത്തായിക്ക് പകരം ആടിനെ വാങ്ങി നല്‍കി വിദ്യാര്‍ഥികള്‍ തെരുവുനായശല്യത്തിനെതിരേ പ്രതികരിച്ചു. പീച്ചാനിക്കാട് സെന്റ് സേവ്യേഴ്‌സ് സ്‌കൂള്‍ വിദ്യാര്‍ഥികളാണ് ആടിനെ വാങ്ങി നല്‍കി തെരുവുനായ്ക്കളുടെ ആക്രമണത്തിനെതിരെയുള്ള പ്രിതിഷേധങ്ങളോട് ഐക്യദാര്‍ഢ്യം പ്രകടിപ്പിച്ചത്.
സ്‌കൂള്‍ സഹായനിധി സഞ്ചയത്തില്‍ നിന്നുമുള്ള തുക ഉപയോഗിച്ചാണ് ആടിനെ വാങ്ങിയത്. കേരളത്തലെ ഏറ്റവും രൂക്ഷമായ സാമൂഹ്യപ്രശ്‌നത്തിനെതിരേയുള്ള പ്രവര്‍ത്തനങ്ങളോട് ഐക്യദാര്‍ഢ്യം പ്രഖ്യാപിച്ച് സാമൂഹ്യപ്രശ്‌നങ്ങളോട് ക്രിയാത്മകമായി പ്രതികരിച്ച കുട്ടികളെ സ്‌ക്കൂള്‍ മാനേജ്‌മെന്റും അധ്യാപക രക്ഷാകര്‍തൃസമിതിയും അഭിനന്ദിച്ചു.