ന്യൂഡല്‍ഹി: കേന്ദ്രസര്‍ക്കാരിന്റെ വിവിധ പദ്ധതികളുടെ നടത്തിപ്പിന്റെ അവലോകനത്തിനായി കേന്ദ്ര നഗരവികസന മന്ത്രി എം. വെങ്കയ്യ നായിഡു സംസ്ഥാന പര്യടനത്തിന്. ഓരോ ആഴ്ചയിലും ഒരു സംസ്ഥാനം എന്ന രീതിയില്‍ മുഴുവന്‍ സംസ്ഥാനങ്ങളിലും കേന്ദ്ര ഭരണപ്രദേശങ്ങളിലും സന്ദര്‍ശനം നടത്തും. അടുത്തവര്‍ഷം നിയമസഭാ തെരഞ്ഞെടുപ്പു നടക്കുന്ന ഉത്തര്‍പ്രദേശ്, പഞ്ചാബ്, ഗുജറാത്ത്, മണിപ്പൂര്‍, ഉത്തരാഖണ്ഡ് സംസ്ഥാനങ്ങളില്‍ കേന്ദ്രസര്‍ക്കാരിന്റെ നേട്ടങ്ങള്‍ സംബന്ധിച്ചു തയാറാക്കിയ പുരോഗതി കാര്‍ഡ് അവതരിപ്പിക്കുന്നതിന്റെ ഭാഗമായാണ് നായിഡുവിന്റെ പര്യടനം. മന്ത്രാലയത്തിലെ മുതിര്‍ന്ന ഉദ്യോഗസ്ഥരും ഓരോ പദ്ധതിയുടെയും ചുമതലയുള്ള ഉദ്യോഗസ്ഥരും മന്ത്രിയെ അനുഗമിക്കും.