കരുവാരകുണ്ട്: സമസ്ത വണ്ടൂര്‍ മണ്ഡലം ഉലമാ സംഗമം 11ന് രാവിലെ എട്ടിന് ദാറുന്നജാത്തിലെ കെ.ടി ഉസ്താദ് കണ്‍വെന്‍ഷന്‍ സെന്ററില്‍ നടക്കും. വിവിധ സെഷനുകളിലായി 'വറസത്തുല്‍ അമ്പിയാ, നമ്മുടെ ആദര്‍ശം , കര്‍മ പദ്ധതി അവതരണം , സമാപന  പ്രസംഗം , പ്രാര്‍ഥന എന്നിവ നടക്കും.
  രാവിലെ സിയാറത്തിന് സമസ്ത താലൂക്ക് പ്രസിഡന്റ് ഒ. കുട്ടി മുസ്‌ലിയാര്‍ നേതൃത്വം നല്‍കും. പ്രാരംഭ പ്രാര്‍ഥനക്ക് പി.സൈതാലി മുസ്‌ലിയാര്‍ മാമ്പുഴ  നേതൃത്വം നല്‍കും. പി. കുഞ്ഞാണി മുസ്‌ലിയാര്‍  ഉദ്ഘാടനം ചെയ്യും. കെ.ടി മൊയ്തീന്‍ ഫൈസി തുവ്വൂര്‍ അധ്യക്ഷനാകും.  മൊയ്തീന്‍ കുട്ടി ഫൈസി വാക്കോട്, മൊയ്തീന്‍ ഫൈസി പുത്തനഴി, കുഞ്ഞമ്മദ് മുസ്‌ലിയാര്‍ കാട്ടു മുണ്ട , അബ്ദുല്‍ ലത്തീഫ് ഫൈസി പാതിരമണ്ണ, കെ.വി അബ്ദുറഹ്മാന്‍  ദാരിമി എന്നിവര്‍ പങ്കെടുക്കും. അബ്ദുസലാം ഫൈസി ഒളവട്ടൂര്‍, അബ്ദുല്‍ ഹമീദ് ഫൈസി അമ്പലക്കടവ്, ഫരീദ് റഹ്മാനി കാളികാവ് എന്നിവര്‍ വിഷയാവതരണം നടത്തും. സമാപന പ്രസംഗത്തിനും പ്രാര്‍ഥനക്കും  സമസ്ത വൈസ് പ്രസിഡന്റ് എം.ടി അബ്ദുല്ല മുസ്‌ലിയാര്‍ നേതൃത്വം നല്‍കും.