കണ്ണൂര്‍: സംസ്ഥാന പൊലിസ് ഫുട്‌ബോള്‍ ഫൈനലില്‍ കണ്ണൂര്‍ ജില്ലാ പൊലിസും  കെ.എ.പി നാലാം ബറ്റാലിയനും ഏറ്റുമുട്ടും. ഇന്നലെ സെമിയില്‍ കെ.എ.പി നാലാം ബറ്റാലിയന്‍ സഡന്‍ഡത്തില്‍ (6-5) എം.എസ്.പി മലപ്പുറത്തെ തോല്‍പിച്ചു. തൃശൂര്‍ ജില്ലാ പൊലിസും കണ്ണൂര്‍ ജില്ലാ പൊലിസും തമ്മില്‍ നടന്ന സെമിയില്‍ ഓരോ ഗോളിന് സമനിലയിലിരിക്കേ അവസാന നിമിഷത്തില്‍ കണ്ണൂര്‍ ഗോള്‍ നേടി. സംസ്ഥാന താരം ഷൈന്‍ രാജാണ് രണ്ടാമത്തെ ഗോളടിച്ചത്. ഇന്ന് വൈകുന്നേരം 4.30ന് കണ്ണൂര്‍ പൊലിസ് മൈതാനിയില്‍ ഫൈനല്‍ മത്സരത്തില്‍ വയനാട് ജില്ലാ പൊലിസ് ചീഫ് കെ കാര്‍ത്തിക് മുഖ്യാഥിയാകും.