ഈരാറ്റുപേട്ട: ഗാന്ധിജയന്തി വാരാഘോഷത്തിന്റെ ഭാഗമായി അരുവിത്തുറ സെന്റ് ജോര്‍ജ് കോളജ് എന്‍.എസ്.എസ്. വൊളന്റിയേഴ്‌സ് ഈരാറ്റുപേട്ട മുന്‍സിഫ് കോടതി പരിസരം ശുചീകരിച്ചു.
ശുചീകരണ പ്രവര്‍ത്തനങ്ങളുടെ ഉദ്ഘാടനം നഗരസഭാധ്യക്ഷന്‍ ടി.എം റഷീദ് നിര്‍വഹിച്ചു. വിദ്യാര്‍ഥികള്‍ ശേഖരിച്ച പ്ലാസ്റ്റിക് മാലിന്യങ്ങള്‍ വേര്‍തിരിച്ച് നഗരസഭയ്ക്കു കൈമാറി.
ജില്ലാ കുടുംബകോടതി മജിസ്‌ട്രേറ്റ് മുരളീ ഗോപാല്‍ പണ്ടാല, ഈരാറ്റുപേട്ട മുന്‍സിഫ് മജിസ്‌ട്രേറ്റ് എം.വി മനോജ്, ജോണ്‍സന്‍ മാത്യൂ, റീസ് ജോണ്‍, പി.എച്ച് ഹസീബ് എന്നിവര്‍ സംസാരിച്ചു.പ്രിന്‍സിപ്പാള്‍ ഡോ.എം.വി ജോര്‍ജ്കുട്ടി, മുഥുന്‍ ജോണ്‍, സിനി ജേക്കബ്, ജിബിന്‍ അലക്‌സ്, റിന്റു റെജി എന്നിവര്‍ നേതൃത്വം നല്‍കി.