കൊട്ടിയം: സ്വാശ്രയ സമരത്തിന് പിന്തുണ പ്രഖ്യാപിച്ച് യൂത്ത് ലീഗ് കുണ്ടറ മണ്ഡലം കമ്മിറ്റി കണ്ണനല്ലൂരില്‍ പ്രതിഷേധ യോഗവും പ്രകടനവും നടത്തി. എം.ഇ.എസ് ജങ്ഷനില്‍ നിന്നാരംഭിച്ച പ്രതിഷേധ പ്രകടനം കണ്ണനല്ലൂര്‍ ടൗണ്‍ ചുറ്റി ജങ്ഷനിലെ ട്രാഫിക് ഐലന്റില്‍ സമാപിച്ചു.യൂത്ത് ലീഗ് മണ്ഡലം പ്രസിഡന്റ് ഖയിസ് അധ്യക്ഷനായി. ലീഗ് നേതാവ് നവാസ് പുത്തന്‍വീട് ഉദ്ഘാടനം ചെയ്തു. മുഹമ്മദ് ഷാഫി, സിദ്ദിഖ്, അന്‍വര്‍, നിസാം, സാജന്‍, സാലിം എന്നിവര്‍ സംസാരിച്ചു.