ഉദുമ: വ്യവസായ മന്ത്രി ഇ.പി ജയരാജനെതിരേ കരിങ്കൊടി. യൂത്ത് ലീഗ്, യുവമോര്‍ച്ച പ്രവര്‍ത്തകരുടെ നേതൃത്വത്തിലാണ് ഉദുമ സ്പിന്നിങ് മില്‍ സന്ദര്‍ശിക്കാനെത്തിയ ജയരാജന് നേരെ കരിങ്കൊടി കാട്ടിയത്. ഇന്നലെ വൈകുന്നേരം നാലോടെ സ്പിന്നിങ് മില്‍ ഗെയ്റ്റിന് സമീപത്തുവച്ചാണ് സംഭവം. വ്യവസായ വകുപ്പില്‍ സ്വന്തക്കാര്‍ക്ക് നിയമനം നല്‍കിയ സംഭവത്തില്‍ ജയരാജന്‍ രാജിവയ്ക്കണമെന്ന ആവശ്യം ഉന്നയിച്ചാണ് യൂത്ത്‌ലീഗ്,യുവമോര്‍ച്ച പ്രവര്‍ത്തകര്‍ മന്ത്രിക്ക്‌നേരെ  പ്രതിഷേധിച്ചത്. റവന്യൂ മന്ത്രി ഇ.ചന്ദ്രശേഖരനും മന്ത്രിക്കൊപ്പം ഉണ്ടായിരുന്നു. പ്രതിഷേധക്കാരെ അറസ്റ്റുചെയ്തു നീക്കിയ ശേഷമാണ് ഇരു മന്ത്രിമാരും സ്പിന്നിങ് മില്‍ സന്ദര്‍ശിച്ചു തിരികെപോയത്.