എടപ്പാള്‍: പൊറൂക്കരയിലെ വയോജനങ്ങളും അവരുടെ കുടുംബവും തിയേറ്ററില്‍ ഒരുമിച്ചിരുന്ന് സിനിമ കണ്ടണ്ടു. യാസ്‌പൊ പൊറൂക്കരയുടെ നേതൃത്വത്തില്‍ വയോജനങ്ങള്‍ക്കായി രൂപീകരിച്ച 'സ്‌നേഹത്തണ'ലിന്റെ ഭാഗമായാണ് പ്രദേശത്തെ വയോജനങ്ങളെ തിയറ്ററില്‍ കൊണ്ടണ്ടുപോയി സിനിമ കാണിച്ചത്. നൂറോളം വയോജനങ്ങളും ഇവരുടെ കുടുംബങ്ങളും ഒരുമിച്ചാണ് സിനിമ കണ്ടണ്ടത്. പൊന്നാനി ഐശ്വര്യ തിയറ്ററിലെ 'ഒരു മുത്തശ്ശി ഗദ' എന്ന സിനിമയാണ് ഇവര്‍ക്ക് ദൃശ്യവിരുന്നൊരുക്കിയത്.ക്ലബ് ഭാരവാഹികളായ കെ.വി പ്രകാശന്‍, കെ.ടി ജയപ്രകാശ്, സുമേഷ് ഐശ്വര്യ, പി.പി.വിജയന്‍, കെ.പി.സാവിത്രി, പി.പി.വാസുദേവന്‍, ശ്രീജേഷ് പൊറൂക്കര എന്നിവര്‍ നേതൃത്വം നല്‍കി. വയോധികര്‍ക്കായി ഉടന്‍ വിനോദയാത്ര സംഘടിപ്പിക്കാനുള്ള തയാറെടുപ്പിലാണ് ഭാരവാഹികള്‍.