കൊയിലാണ്ടി: നടേരി കാവുംവട്ടത്ത് കൃഷ്ണന്‍ നമ്പീശന്‍ സ്മാരക ലൈബ്രറി ജനങ്ങള്‍ക്കായി തുറന്നു കൊടുത്തു. കൃഷ്ണന്‍ നമ്പീശന്റെ മക്കളായ എം.ടി രാധ,എം.ടി ശശിധരന്‍ എന്നിവര്‍ സൗജന്യമായി നല്‍കിയ സ്ഥലത്ത് നിര്‍മിച്ച ലൈബ്രറി കെട്ടിടം തൊഴില്‍ എക്‌സൈസ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്തു.
ലൈബ്രറി ഹാള്‍ കെ.ദാസന്‍ എം.എല്‍.എ ഉദ്ഘാടനം ചെയ്തു. ലൈബ്രറിക്കായി വിവിധ വ്യക്തികള്‍ നല്‍കിയ ഗ്രന്ഥങ്ങള്‍ നഗരസഭാ ചെയര്‍മാന്‍ അഡ്വ. കെ.സത്യന്‍ ഏറ്റുവാങ്ങി. സംസ്ഥാന അധ്യാപക അവാര്‍ഡ് ജേതാക്കളായ ഡോ.പി.കെ ഷാജി,എം.ജി ബല്‍രാജ് എന്നിവരെ പുരസ്‌കാരം നല്‍കി ആദരിച്ചു. ലൈബ്രറി കൗണ്‍സില്‍ ജില്ലാ സെക്രട്ടറി കെ. ചന്ദ്രന്‍ അധ്യക്ഷത വഹിച്ചു.പി.വി.മാധവന്‍,പി.വേണു,എ.ദാമോദരന്‍.എം.രവീന്ദ്രന്‍,നഗരസഭ കൗണ്‍സിലര്‍മാരായ വി.കെ.അജിത,എന്‍.എസ്.സീന,ലാലിഷ പുതുക്കുടി,കെ.എം ജയ,ആര്‍.കെ.ചന്ദ്രന്‍ സംസാരിച്ചു.