ഇസ്ലാമാബാദ്: കശ്മീരില്‍ സൈനിക ഏറ്റുമുട്ടലില്‍ കൊല്ലപ്പെട്ട ഹിസ്ബുള്‍ മുജാഹുദീന്‍ കമാന്‍ഡര്‍ ബുര്‍ഹാന്‍ വാനി കശ്മിരിന്റ അഭിമാനമാണെന്ന് പാകിസ്താന്‍ പ്രസിഡന്റ് നവാസ് ശെരീഫ്.

കശ്മിരിലെ ജനങ്ങളുടെ സ്വാതന്ത്ര്യത്തിനു വേണ്ടിയുള്ള പോരാട്ടത്തെ പിന്തുണയ്ക്കുന്നതില്‍നിന്നു ഒരു ശക്തിക്കും ഞങ്ങളെ തടയാനാവില്ല.

കശ്മിരില്‍ സ്വാതന്ത്ര്യത്തിനു വേണ്ടിയുള്ള പോരാട്ടം ഇന്ത്യ ഭീകരവാദമായി തെറ്റിദ്ധരിക്കുകയാണ്. ബുര്‍ഹാന്‍ വാനി സ്വാതന്ത്ര്യത്തിനു വേണ്ടി പോരാടി. അദ്ദേഹം കശ്മിര്‍ ജനതയുടെ അഭിമാനമാണെന്നും ശെരിഫ് പറഞ്ഞു.

ജൂലൈ എട്ടിനാണ് ഹിസ്ബുള്‍ കമാന്‍ഡറായ ബുര്‍ഹാന്‍ വാനിയെ സൈന്യം വധിച്ചത്. ഇതിനെ തുടര്‍ന്നുണ്ടായ സംഘര്‍ഷങ്ങളില്‍ 90ല്‍ അധികം പേര്‍ കൊല്ലപ്പെടുകയും 10,000 ലധികം പേര്‍ക്ക് പരുക്കേല്‍ക്കുകയും ചെയ്തിരുന്നു.