ഇരിട്ടി: കണ്ണൂര്‍ ജില്ലയില്‍ നടക്കുന്ന മനുഷ്യവേട്ട നാഗരിക സമൂഹത്തിന് അപമാനമണെന്ന് പാണക്കാട് സാദിഖലി ശിഹാബ് തങ്ങള്‍. കണ്ണൂര്‍ ജില്ലയിലെ തൊട്ടിപ്പാലത്ത് നവീകരിച്ച മദ്‌റസ കെട്ടിടത്തിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.

പട്ടികളെയും കാട്ടുമൃഗങ്ങളെയും വെടിവച്ച് കൊല്ലാന്‍ പോലും നിയമവിലക്കുള്ള നമ്മുടെ രാജ്യത്ത് ഏത് രാഷ്ട്രീയത്തിന്റെ പേരിലായാലും കൊലപാതകങ്ങളെ അംഗീകരിക്കാന്‍ കഴിയില്ലെന്നും അക്രമികള്‍ക്കെതിരേ ശക്തമായ നിയമ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.