കൂളിവയല്‍: വയനാട് മുസ്‌ലിം ഓര്‍ഫനേജിന്റെ ഉന്നത മതപഠന ഗവേഷണ കേന്ദ്രമായ ഇമാം ഗസ്സാലി അക്കാദമി വിദ്യാര്‍ഥി യൂനിയന്‍ 'മുഹര്‍റം വീണ്ടെടുപ്പിന്റെ വീണ്ടുവിചാരം' എന്ന പ്രമേയത്തില്‍ പ്രഭാഷണം സംഘടിപ്പിച്ചു. വാളാട് പുത്തൂര്‍ ഹയാത്തുല്‍ ഇസ്‌ലാം മദ്‌റസയില്‍ നടന്ന പ്രഭാഷണ പരിപാടിയില്‍ മഹല്ല് ഖത്വീബ് ഇബ്രാഹീം ബാഖവി ഉദ്ഘാടനം ചെയ്തു. ഇമാം ഗസ്സാലി അക്കാദമി വിദ്യാര്‍ഥി ഷാഫി വെള്ളിലാടി വിഷയാവതരണം നടത്തി.
കുപ്പാടിത്തറ കുളം ജുമാ മസ്ജിദില്‍ നടന്ന പ്രഭാഷണ പരിപാടി മഹല്ല് ഖത്വീബ്  ഉമ്മര്‍ ദാരിമി ഉദ്ഘാടനം ചെയ്തു. ഇമാം ഗസ്സാലി അക്കാദമി വിദ്യാര്‍ഥി മുനീസ് തരുവണ വിഷയാവതരണം നടത്തി. മീനങ്ങാടി ജുമാ മസ്ജിദില്‍ നടന്ന പ്രഭാഷണ പരിപാടിയില്‍ ഇ.സി ഉനൈസ് വിഷയാവതരണം നടത്തി.