റിയാദ്: സഊദി അതിര്‍ത്തി പ്രദേശത്ത് യമനിലെ മലനിരകളില്‍ സഊദി അറേബ്യയുടെ നേതൃത്വത്തിലുള്ള സഖ്യസേന നടത്തിയ വ്യോമാക്രമണത്തില്‍ അന്‍പതോളം ഹൂതികള്‍ കൊല്ലപ്പെട്ടു. തിങ്കളാഴ്ച നടത്തിയ വ്യോമാക്രമണത്തിലാണ് ഹൂതികളെ വകവരുത്തിയതെന്ന് അല്‍ അറബിയ ചാനല്‍ റിപ്പോര്‍ട്ട് ചെയ്തു. ഇവരുടെ ആയുധശേഖരവും നശിപ്പിച്ചു.
ഹൂതികളുടെ സാന്നിധ്യം മനസിലാക്കിയ സഖ്യസേന വ്യോമാക്രമണം നടത്തുകയായിരുന്നു. കഴിഞ്ഞ ദിവസം അര്‍ധാരാത്രിയിലും ഹൂതികള്‍ സഊദിയിലെ താഇഫിലേക്ക് മിസൈല്‍ ആക്രമണം നടത്തിയിരുന്നു.