കട്ടപ്പന: അണക്കരക്ക് സമീപം സുല്‍ത്താന്‍കടയില്‍ ബൈക്കുകള്‍ കൂട്ടിയിടിച്ച് യുവാവിന് ഗുരുതര പരിക്ക്. ഇന്നലെ രാവിലെ 9.30 ഓടെയാണ് അപകടമുണ്ടായത്.
അപകടത്തെ തുടര്‍ന്ന് റോഡിലേക്ക് തെറിച്ച് വീണ ചെല്ലാര്‍കോവില്‍ സ്വദേശി തെങ്ങണയില്‍ അഭിലാഷ് ജയനാ(24)ണ് പരിക്കേറ്റത്.
റോഡിലേക്ക് വീണ അഭിലാഷിന്റ വലത് കൈയിലൂടെ എതിരെ വന്ന ബസ് കയറിയറങ്ങി. അഭിലാഷിനെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
വീഴ്ചയുടെ ആഘാതത്തില്‍ ആന്തരാവയവങ്ങള്‍ക്ക് ഗുരുതര പരിക്കേറ്റതിനാല്‍ വൈകിട്ടോടെ ചങ്ങനാശേരിയിലെ സ്വകാര്യ ആശുപത്രിയിലേക്ക് മാറ്റി.
അഭിലാഷ് സുല്‍ത്താന്‍കട പാമ്പുപാറയില്‍ താമസിക്കുന്ന സഹോദരിയുടെ വീട്ടിലേക്ക് പോകുംവഴിയാണ് അപകടം. ബൈക്കിലെ യാത്രിക്കാരുടെ പരിക്ക് സാരമുള്ളതല്ല.