ന്യൂഡല്‍ഹി: ഫോറിന്‍ റീജിണല്‍ രജിസ്‌ട്രേഷന്‍ റെക്കാര്‍ഡുകള്‍ പ്രകാരം അഗസ്റ്റ വെസ്റ്റ്‌ലന്‍ഡ് വിവിഐപി ഹെലികോപ്റ്റര്‍ ഇടനിലക്കാരന്‍ ക്രിസ്റ്റ്യന്‍ മിഷേല്‍ ഇന്ത്യ സന്ദര്‍ശിച്ചത് 180 തവണയെന്ന് റിപ്പോര്‍ട്ട്. 2005-2013 കാലഘട്ടത്തിലാണ് മിഷേല്‍ ഇന്ത്യ സന്ദര്‍ശിച്ചിരിക്കുന്നത്. തുടര്‍ച്ചയായി ഡല്‍ഹി സന്ദര്‍ശിച്ച മിഷേല്‍ എഫ്.ആര്‍.ആര്‍.ഒ ഓഫീസിന് അഭിനവ് ത്യാഗി എന്ന വ്യക്തിയുടെ കോണ്‍ഡാക്ട് വിവരങ്ങളാണ് നല്‍കിയിരിക്കുന്നത്.കൂടാതെ ജെ.ബി. സുബ്രഹ്മണ്യം എന്നയാളുടെ വിവരങ്ങളും നല്‍കിയിട്ടുണ്ട്.അഭിനവ് ത്യാഗിക്ക് ത്യാഗി കുടുംബവുമായി ബന്ധമുണ്ടോ എന്ന കാര്യം പരിശോധിച്ചു വരികയാണ്.