കാസര്‍കോട്: മുസ്‌ലിം ലീഗ് ചെമ്മനാട് പഞ്ചായത്ത് ബന്താട് ആറാം വാര്‍ഡ് കമ്മിറ്റിയും ഗ്രീന്‍ സ്റ്റാര്‍ ബന്താടും നിര്‍മിക്കുന്ന ഓഫിസ് കെട്ടിടത്തിന്റെ ശിലാസ്ഥാപനവും നേതാക്കള്‍ക്കും ജനപ്രതിനിധികള്‍ക്കുമുള്ള സ്വീകരണവും ഇന്നു നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. ഇന്നു വൈകുന്നേരം മൂന്നിനു പാണക്കാട് മുനവ്വറലി തങ്ങള്‍ ഓഫിസ് കെട്ടിടത്തിന്റെ ശിലാസ്ഥാപനം നടത്തു. അബ്ബാസ് ബന്താട് അധ്യക്ഷനാവും. എം.സി ഖമറുദ്ദീന്‍, പി.എ ഇബ്രാഹിം ഹാജി, അഡ്വ.എന്‍. ഷംസുദ്ദീന്‍ എം.എല്‍.എ, പാറക്കല്‍ അബ്ദുല്ല എം.എല്‍.എ, എന്‍.എ നെല്ലിക്കുന്ന് എം.എല്‍.എ തുടങ്ങിയ പ്രമുഖര്‍ പ്രസംഗിക്കും. വാര്‍ത്താ സമ്മേളനത്തില്‍ അബ്ബാസ് ബന്താട്, ടി.ഡി മുഹമ്മദ് കുഞ്ഞി, ടി.പി അബ്ദുല്‍ റഹ്മാന്‍, ടി.കെ മുനീര്‍ ബന്താട് പങ്കെടുത്തു.