മാറഞ്ചേരി: നാലു വയസുകാരിയെ 15 വയസുകാരന്‍ പീഡിപ്പിച്ചതായി അമ്മയുടെ പരാതി. പെരുമ്പടപ്പ് ബ്ലോക്ക് ഓഫിസിനു സമീപം താമസിക്കുന്ന തമിഴ് നാട് സ്വദേശിയായ 15കാരന്‍ സമീപത്തു  താമസിക്കുന്ന തമിഴ്‌നാട് സ്വദേശിയുടെ മകളെ പീഡിപ്പിച്ചതായാണ് പരാതി.
ഞായറാഴ്ചയാണ് സംഭവം. മാതാവ് ജോലിക്കു പോയി തിരിച്ചെത്തിയപ്പോള്‍ മകളെ അവശനിലയില്‍ കണ്ടെത്തുകയായിരുന്നു. തുടര്‍ന്നു സമീപവാസികളാണ് വിവരം പൊലിസില്‍ അറിയിച്ചത്. അപ്പോഴേക്കു സമീപം താമസിക്കുന്ന 15കാരന്‍ രക്ഷപ്പെട്ടിരുന്നു. പെരുമ്പടപ്പ് പൊലിസ് സ്ഥലത്തെത്തും മുന്‍പേ കെട്ടിട ഉടമ സംഭവം ഒതുക്കിത്തീര്‍ക്കാന്‍ ശ്രമിച്ചതായും ആക്ഷേപമുണ്ട്. പരാതിയെ തുടര്‍ന്നു കുട്ടിയെയും മാതാവിനെയും നിലമ്പൂര്‍ മജിസ്‌ട്രേറ്റിനു മുന്നില്‍ ഹാജരാക്കി. പതിനഞ്ചുകാരന്റെ പിതാവിനെ പൊലിസ് ചോദ്യംചെയ്തു.