ചക്കരക്കല്‍:  ഏച്ചൂര്‍ മതുക്കോത്ത് കോണ്‍ഗ്രസ് ഓഫിസിനും വായനശാലക്കും നേരെ അക്രമം. കഴിഞ്ഞ ദിവസം രാത്രിയാണ് ഏച്ചൂര്‍ നല്ലാഞ്ചിയിലെ ഇന്ദിരാജി ബസ് കാത്തിരിപ്പു കേന്ദ്രം തകര്‍ത്തത്.
കോണ്‍ഗ്രസ് ഓഫിസായ     പ്രിയദര്‍ശിനി കള്‍ച്ചറല്‍ സെന്റര്‍, ഗാന്ധി സ്മാരക ഗ്രന്ഥാലയം എന്നിവയും ആക്രമിച്ചു. ഓഫിസിന്റെ വാതില്‍ തകര്‍ത്ത് ഫര്‍ണിച്ചറുകള്‍ തല്ലിത്തകര്‍ത്തു. കൊടി തോരണങ്ങള്‍, ട്യൂബ് ലൈറ്റുകള്‍ എന്നിവ നശിപ്പിച്ചു. വായനശാലയുടെ ചില്ല് കല്ലെറിഞ്ഞു തകര്‍ത്തു. മതുക്കോത്ത് ബസാറില്‍ ജവഹര്‍ലാല്‍ നെഹ്‌റുവിന്റെ സ്തൂപം പാടെ തകര്‍ത്തു മറിച്ചിട്ടു. ചക്കരക്കല്‍ പൊലിസ് സ്ഥലത്തെത്തി അന്വേഷണം നടത്തി. കോണ്‍ഗ്രസ് നേതാക്കള്‍ അക്രമം നടന്ന സ്ഥലങ്ങള്‍ സന്ദര്‍ശിച്ചു.