മരട്: ഇന്ത്യന്‍ സേനയ്ക്ക് ഐക്യദാര്‍ഡ്യവുമായി മോസ്‌ക് റോഡ് റസിഡന്‍സ് അസോസിയേഷനിലെ യുവാക്കള്‍ സംഘടിപ്പിക്കുന്ന രക്താഭിവാദ്യ യാത്രയ്ക്കു തുടക്കമായി. പ്രദേശത്തെ യുവാക്കളായ കെ.പി ഷാനില്‍, കെ.എ മനോജ്, സജീബ് ടി. മുഹമ്മദ്, സുനീഷ് കുമാര്‍, ജിന്‍സണ്‍ സേവ്യര്‍, പി.എസ് സനീഷ് എന്നിവരുമാണു സൈനീക താവളമായ ലഡാക്കിലേക്ക് മോട്ടോര്‍ സൈക്കിളില്‍ സാഹസിക യാത്ര തിരിച്ചത്.അതിര്‍ത്തിയില്‍ രക്തം ചിന്തുന്ന സൈനികര്‍ക്കു വേണ്ടി രക്തം ദാനം ചെയ്ത് ഐക്യപ്പെട്ടുകയാണ് തങ്ങളുടെ ലക്ഷ്യമെന്ന് സംഘത്തെ നയിക്കുന്ന ഷാനില്‍ കെ.പിയും സജീബ് ടി മുഹമ്മദും പറഞ്ഞു. ഒരു മാസക്കാലം നീണ്ടു നില്‍ക്കുന്ന ഈ സാഹസിക യാത്രയ്ക്കായി പുറപ്പെട്ട സംഘത്തിന് അസോസിയേഷന്റെ നേതൃത്വത്തില്‍ നാട്ടുകാര്‍ യാത്രയയപ്പു നല്‍കി. പ്രസിഡന്റ് ദിവാകരന്‍ കുളത്തുങ്കല്‍ അധ്യക്ഷത വഹിച്ചു. പി.ഡി ശരത്ചന്ദ്രന്‍, എ.എം മുഹമ്മദ്, കെ.വി അരവിന്ദന്‍, കെ.കെ മൂസാ ഹാജി, ഐ.ജി അരുള്‍ദാസ്, കെ.ജി പ്രകാശന്‍, രാമനാഥന്‍ എന്നിവര്‍ പ്രസംഗിച്ചു.