അതിരമ്പുഴ: സെന്റ് മേരീസ് ഫൊറോനാ പള്ളിയില്‍ ഫാ. ഡൊമിനിക് വാളന്മനാല്‍ നയിക്കുന്ന കൃപാഭിഷേകം കണ്‍വന്‍ഷന്‍ നവംബര്‍ 9 മുതല്‍ 13 വരെ നടക്കും. രാവിലെ 9ന് ആരംഭിക്കുന്ന കണ്‍വന്‍ഷന്‍ വൈകുന്നേരം 4ന് അവസാനിക്കും.
കണ്‍വന്‍ഷന് വേണ്ടി അതിരമ്പുഴ പള്ളി മൈതാനത്ത് ഒരു ലക്ഷം ചതുരശ്ര അടി വിസ്തൃതിയുള്ള വിശാലമായ പന്തലിന്റെ നിര്‍മ്മാണം ആരംഭിച്ചു. പന്തലിന്റെ കാല്‍നാട്ടുകര്‍മ്മം വികാരിയും രക്ഷാധികാരിയുമായ ഫാ. സിറിയക് കോട്ടയില്‍ നിര്‍വ്വഹിച്ചു.
ജനറല്‍ കണ്‍വീനര്‍ ഫാ. ജിബിന്‍ കേഴപ്ലാക്കല്‍, സഹരക്ഷാധികാരികളായ ഫാ. സോജി ചക്കാലയ്ക്കല്‍, ഫാ. ജോസി മഞ്ചേരിക്കളം, ഫാ. തോമസ് കാഞ്ഞിരത്തുമൂട്ടില്‍.
കൈക്കാരന്മാരായ ടോമി ചക്കാലയ്ക്കല്‍, സോജന്‍ ആലഞ്ചേരി, ജോണി പണ്ടാരക്കളം. ജേക്കബ് തലയിണക്കുഴി തുടങ്ങിയവര്‍ സന്നിഹിതരായിരുന്നു.