വളാഞ്ചേരി: വിദ്യാര്‍ഥിസമൂഹം സാമൂഹിക തിന്മകള്‍ക്കെതിരേ ജാഗ്രത പാലിക്കുന്നവരാകണമെന്ന് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ പറഞ്ഞു. കോളജ് യൂനിയന്‍ തെരഞ്ഞെടുപ്പിന്റെ മുന്നോടിയായി എം.എസ്.എഫ് കോട്ടക്കല്‍ നിയോജക മണ്ഡലം കമ്മിറ്റി സംഘടിപ്പിച്ച 'തഹ്‌രീക് ജോദില്‍' ക്യാംപസ് കോണ്‍ഫറന്‍സ് വളാഞ്ചേരി സര്‍വീസ് സഹകരണ ബാങ്ക് ഓഡിറ്റോറിയത്തില്‍ ഉദ്ഘാടനം ചെയ്യുകയായിരുന്നു അദ്ദേഹം.
മണ്ഡലം പ്രസിഡന്റ് വി.എ വഹാബ് അധ്യക്ഷനായി. ബഷീര്‍ രണ്ടത്താണി, കെ.എം ഗഫൂര്‍, എന്‍ കെ ഹഫ്‌സല്‍ റഹ്മാന്‍, ടി.പി ഹാരിസ്, വി.പി അഹമ്മദ് സഹീര്‍, നിസാജ്എടപ്പറ്റ, ജുനൈദ് പാമ്പലത്ത്, സമീര്‍ ബാബു എം, മുസ്തഫ മാസ്റ്റര്‍, സി.എം റിയാസ്, നൗഷാദ് കെ.ടി, ഫായിസ് ചോലക്കല്‍,സഖാഫ് തങ്ങള്‍, ടി.പി. റിഷാദ്, മുഹ്‌സിന്‍ വടക്കുംമുറി സംസാരിച്ചു.