തൊട്ടില്‍പ്പാലം: ഐ.എസ് ബന്ധം സംശയിച്ച് അറസ്റ്റിലായ കുറ്റ്യാടി സ്വദേശിയുടെ നേരെ അജ്ഞാത സംഘത്തിന്റെ ആക്രമണം.

 വളയന്നൂര്‍ നങ്ങീലംകണ്ടി റഷാദിന്റെ വീടിന് നേരെയാണ് ആക്രമണമുണ്ടായത്. 

ആക്രമണത്തില്‍ വീടിന്റെ ജനല്‍ചില്ലുകള്‍ പൂര്‍ണ്ണമായും തകര്‍ന്നു. വൈദ്യുതി മീറ്ററും ഫര്‍ണ്ണിച്ചറും കുടിവെള്ളപൈപ്പും നശിച്ചിട്ടുണ്ട്.

ബുധനാഴ്ച രാത്രി 12 മണിയോടെയാണ് സംഭവം. റംഷാദിന്റെ കുടുംബം സംഭവസമയം വീട്ടിലില്ലായിരുന്നു. ആക്രമണത്തെ തുടര്‍ന്ന് സംഭവസ്ഥലത്ത് പോലിസ് കാവലേര്‍പ്പെടുത്തിയിട്ടുണ്ട്.

ഇക്കഴിഞ്ഞ മൂന്നിനായിരുന്നു ഐ.എസ് ബന്ധം സംശയിച്ച് ഐ.എന്‍.എ സംഘം റംഷാദ് അടങ്ങുന്ന ആറംഗ സംഘത്തെ കണ്ണൂര്‍ ജില്ലയിലെ പാനൂര്‍ കനകമല കോഴിക്കോട്ടെ കുറ്റ്യാടി എന്നിവിടങ്ങളില്‍ നിന്നും അറസ്റ്റു ചെയ്തത്.