പട്ടാമ്പി: എസ്.വൈ.എസ് പട്ടാമ്പി മണ്ഡലം കമ്മിറ്റിയുടെ ആഭിമുഖ്യത്തില്‍ നടന്ന സെക്രട്ടറിമാരുടെ യോഗത്തില്‍ കോയകുട്ടി ഉസ്താദ് അനുസ്മരണ സമ്മേളനവും ദുആ മജ്‌ലിസും മെയ് 28 ന് നടത്താന്‍ തീരുമാനിച്ചു. കൊപ്പം വ്യാപാരഭവനില്‍ വൈകുന്നേരം 4 മണിക്ക് അനുസ്മരണ സമ്മേളനം നടത്താനും യോഗത്തില്‍ തീരുമാനമെടുത്തു. സയ്യിദ് കെ.പി.സി തങ്ങള്‍,ആനമങ്ങാട് മുഹമ്മദ്കുട്ടി ഫൈസി,ജി.എം സ്വലാഹുദ്ദീന്‍ഫൈസി,ടി.കെ മുഹമ്മദ് കുട്ടി ഫൈസി,സയ്യിദ് അബ്ദുറഹ്മാന്‍ ജിഫ്രി തങ്ങള്‍,സയ്യിദ് ഹസന്‍ സഖാഫ് തങ്ങള്‍,എം.എം ബഷീര്‍ മാസ്റ്റര്‍,ആരിഫ് ഫൈസി തുടങ്ങിയവര്‍ പ്രസംഗിക്കും. ഇതു സംബന്ധിച്ച യോഗത്തില്‍ പ്രസിഡണ്ട് സയ്യിദ് അബ്ദുറഹ്മാന്‍ ജിഫ്രി തങ്ങള്‍ അധ്യക്ഷനായി. സയ്യിദ് ഹസന്‍ സഖാഫ് തങ്ങള്‍, എം.എം ബഷീര്‍ മാസ്റ്റര്‍, ആരിഫ് ഫൈസി, ശാഹുല്‍ ഹമീദ് മുസ്ലിയാര്‍, കെ കുഞ്ഞിമൊയ്തീന്‍ മൗലവി, വി സുലൈമാന്‍ മൗലവി,ഷൗക്കത്ത് മൗലവി, എന്‍.കെ ഹബീബുള്ള മാസ്റ്റര്‍, അബ്ദുറഹ്മാന്‍ മരുതൂര്‍, ടി മുഹമ്മദ് ബഷീര്‍ കോഴിക്കോട്ടിരി തുടങ്ങിയവര്‍ യോഗത്തില്‍ സംബന്ധിച്ചു.