തിരുവനന്തപുരം: യു.ജി.സി മാര്‍ഗനിര്‍ദേശമനുസരിച്ച് മലയാള സര്‍വകലാശാലയുടെ ആഭിമുഖ്യത്തില്‍ സര്‍വകലാശാല മെയ് 17 മുതല്‍ 31 വരെ സമകാലിക മലയാള സാഹിത്യത്തെ അധികരിച്ച് ഹ്രസ്വകാല കോഴ്‌സ് നടത്തും. തിരുവനന്തപുരം വൈലോപ്പിള്ളി സംസ്‌കൃതി ഭവനില്‍ നടക്കുന്ന കോഴ്‌സില്‍ വിവിധ സാഹിത്യശാഖകളിലെ നാല്‍പ്പതോളം എഴുത്തുകാരും നിരൂപകരും വിദ്യാര്‍ഥികളുമായി സംവദിക്കും. കേരള സര്‍വകലാശാല മലയാളവിഭാഗം മേധാവി പ്രൊഫ. ജി. പത്മറാവുവിന്റെ അധ്യക്ഷതയില്‍ ചേര്‍ന്ന ചടങ്ങില്‍ സര്‍വകലാശാല വൈസ് ചാന്‍സലര്‍ കെ. ജയകുമാര്‍ 17 ന് 10 മണിക്ക് കോഴ്‌സ് ഉദ്ഘാടനം ചെയ്യും. എസ്. ഭാസുരചന്ദ്രന്‍, ഡോ. ഭാവന രാധാകൃഷ്ണന്‍, സംസ്‌കൃത സര്‍വകലാശാല മലയാളവിഭാഗം മേധാവി കെ.എസ്. രവികുമാര്‍ തുടങ്ങിയവര്‍ പങ്കെടുക്കും. കൂടുതല്‍ വിവരങ്ങള്‍ക്ക് മൊബൈല്‍ 9846755915.