തിരുവനന്തപുരം: തലസ്ഥാനത്തെ പൊതുസമൂഹത്തില്‍ സേവന രംഗത്ത് നിറഞ്ഞു നിന്ന വ്യക്തിത്വമായിരുന്നു കഴിഞ്ഞ ദിവസം വിടപറഞ്ഞ കുറ്റിച്ചല്‍ ബഷീറെന്നു തിരുവനന്തപുരം മുസ് ലിം അസോസിയേഷന്‍ പ്രസിഡന്റ് ഇ.എം.നജീബ്. തിരുവനന്തപുരം മുസ് ലിം അസോസിയേഷന്റെ ആഭിമുഖ്യത്തില്‍ നന്ദാവനം ഐ.സി.സി ഹാളില്‍ നടന്ന അനുശോചന യോഗത്തില്‍ അധ്യക്ഷ പ്രസംഗം നടത്തുകയായിരുന്നു അദ്ദേഹം. യോഗത്തില്‍ ഡോ.എന്‍.അഹമ്മദ് പിള്ള, മാലിക്ക് മുഹമ്മദ്, കെ.വൈ.മുഹമ്മദ് കുഞ്ഞ്, എന്‍.ഇബ്‌റാഹിം റാവൂത്തര്‍, ഒ.അബ്ദുറഹുമാന്‍, സിദ്ധിഖുല്‍ കബീര്‍, എ.ഷറഫുദ്ദീന്‍, എ.എം.കെ.നൗഫല്‍, എ.അബ്ദുല്‍ കരീം, ഹുസൈന്‍, ഡോ.കായകുളം യൂനുസ്, ഹാജി ഷാഹുല്‍ ഹമീദ്, നാസര്‍ കടയറ, എം.എ.ഹമീദ്, പി.എം.പരീത് ബാവാഖാന്‍ എന്നിവര്‍ പ്രസംഗിച്ചു.