കൊല്‍ക്കത്ത: ഹിമാചല്‍ പ്രദേശിനെതിരായ രഞ്ജി മത്സരത്തിന്റെ ആദ്യ ദിനത്തില്‍ കേരളം ഭേദപ്പെട്ട നിലയില്‍. ഒന്നാം ദിനം കളി അവസാനിക്കുമ്പോള്‍ കേരളം നാലു വിക്കറ്റ് നഷ്ടത്തില്‍ 163 റണ്‍സെന്ന നിലയില്‍. ടോസ് നേടി ഹിമാചല്‍ കേരളത്തെ ബാറ്റിങിനയക്കുകയായിരുന്നു. 49 റണ്‍സെടുക്കുന്നതിനിടെ മൂന്നു വിക്കറ്റുകള്‍ വീണ് തുടക്കത്തില്‍ തന്നെ തകര്‍ച്ച നേരിട്ട കേരളത്തെ സഞ്ജു സാംസണ്‍ (47) സച്ചിന്‍ ബേബി (പുറത്താകാതെ 52) എന്നിവര്‍ ചേര്‍ന്ന് കര കയറ്റുകയായിരുന്നു. ഓപണര്‍മാരായ ഭവിന്‍ തക്കര്‍ (14), ജലജ് സക്‌സേന (2), ക്യാപ്റ്റന്‍ രോഹന്‍ പ്രേം (14), സഞ്ജു സാംസണ്‍ എന്നിവരുടെ വിക്കറ്റുകളാണ് കേരളത്തിന് നഷ്ടമായത്. സച്ചിന്‍ ബേബിക്കൊപ്പം 24 റണ്‍സുമായി വെറ്ററന്‍ താരം വി.എ ജഗദീഷാണ് ക്രീസില്‍.