വടക്കാഞ്ചേരി:നവ മാധ്യമങ്ങള്‍ സമൂഹ നന്മക്ക് വേണ്ടി നില കൊള്ളണമെന്ന് തൃശൂര്‍ റൂറല്‍ എസ്.പി നിശാന്തിനി ഐ.പി.എസ് പറഞ്ഞു. വാട്‌സ്ആപ്പും ഫെയ്‌സ് ബുക്കുമൊക്കെ ഉപയോഗിക്കുന്നതില്‍ സ്വയം നിയന്ത്രണം അനിവാര്യമാണെന്നും നിശാന്തിനി കൂട്ടി ചേര്‍ത്തു.
വടക്കാഞ്ചേരി ലയണ്‍സ് ക്ലബ്ബിന്റെ നേതൃത്വത്തില്‍ വ്യാസ എന്‍.എസ്.എസ് കോളേജ് ഓഡിറ്റോറിയത്തില്‍ സംഘടിപ്പിച്ച ലഹരി വിരുദ്ധ ട്രാഫിക് ബോധവല്‍ക്കരണ ക്ലാസ് ഉദ്ഘാടനം ചെയ്തു കൊണ്ട് സംസാരി്ക്കുകയായിരുന്നു നിശാന്തിനി ഐ.പി.എസ്. ലയണ്‍സ് ക്ലബ്ബ് പ്രസിഡന്റ് സുഭാഷ് പുഴക്കല്‍ അധ്യക്ഷനായി.വ്യാസകോളേജ് പ്രിന്‍സിപ്പാള്‍ കെ.പി സുഭാഷ് ചന്ദ്രന്‍,ഡോ: കെ. പ്രദീപ് കുമാര്‍, കെ.ജി രഞ്ജു സി. സുധീര്‍, അഡ്വ. എല്‍ദോ പൂക്കുന്നേല്‍, ഷൈല, ഗിരിജ, പ്രിന്‍സ് തോമാസ്, യു. കരുണാകരന്‍ എന്നിവര്‍ പ്രസംഗിച്ചു. ലഹരി വിരുദ്ധ ബോധവല്‍ക്കരണ ക്ലാസിന് ഡോ: കെ.എ ശ്രീനിവാസന്‍, ഒ.എ ബാബു എന്നിവര്‍ നേതൃത്വം നല്‍കി.