ബെയ്ജിങ്: ചൈനീസ് തലസ്ഥാനമായ ബെയ്ജിങ്ങില്‍ വായു മലിനീകരണത്തെ തുടര്‍ന്നു യെല്ലോ അലര്‍ട്ട് പ്രഖ്യാപിച്ചു. ബെയ്ജിങ്ങിലും വടക്കുകിഴക്കന്‍ പ്രവിശ്യയായ ഹെബെയിലുമാണ് പുകപടലം രൂക്ഷമായിരിക്കുന്നത്. പ്രദേശത്തു കനത്ത മഞ്ഞുണ്ടെന്നു ഷിന്‍ഹുവ ന്യൂസ് ഏജന്‍സി റിപ്പോര്‍ട്ട് ചെയ്തു. ഈ സാഹചര്യത്തില്‍ ജനങ്ങളോട് ആവശ്യമായ സുരക്ഷാ മുന്‍കരുതലുകള്‍ സ്വീകരിക്കണമെന്നും കഴിയുന്നതും പുറത്തിറങ്ങുന്നത് ഒഴിവാക്കണമെന്നും അധികൃതര്‍ ആവശ്യപ്പെട്ടു.
വായു മലിനീകരണം വര്‍ധിച്ച സാഹചര്യത്തിലാണ് ഇത്രയും ഭീകരമായ അവസ്ഥയില്‍ പുക മഞ്ഞ് വ്യാപിച്ചത്. ഫാക്ടറികള്‍, കല്‍ക്കരി ഉപയോഗിച്ചുള്ള ഊര്‍ജനിലയങ്ങള്‍, വാഹനങ്ങള്‍ എന്നിവയില്‍ നിന്നുള്ള വാതകനിര്‍ഗമനമാണ് മലിനീകരണത്തിനു കാരണം.