ദമസ്‌കസ്: സിറിയയില്‍ അമേരിക്കന്‍ നേതൃത്വത്തിലുള്ള സൈന്യം നടത്തിയ വ്യോമാക്രമണത്തില്‍ 15 പേര്‍ കൊല്ലപ്പെട്ടു. റഖയിലാണ് ആക്രമണം നടന്നത്.സംഭവത്തില്‍ മരണസംഖ്യ കൂടാനിടയുണ്ടെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. വെള്ളിയാഴ്ച രാത്രിയോടെയായിരുന്നു വ്യോമാക്രമണം നടന്നത്. ദഹാമിലെ അല്‍ റഖയില്‍ നടന്ന ആക്രമണത്തില്‍ കൊല്ലപ്പെട്ടതും പരുക്കേറ്റതുമെല്ലാം സാധാരണക്കാരാണ്.