എരുമപ്പെട്ടി: കുന്നംകുളം ഉപജില്ലാ കലോത്സവത്തിന്റെ സംഘാടകസമിതി രൂപീകരണ യോഗം വേലൂര്‍ ഗവ. രാജസര്‍ രാമവര്‍മ്മ ഹയര്‍ സെക്കന്‍ഡറി സ്‌കൂളില്‍നടന്നു. വേലൂര്‍ ഗ്രാമപഞ്ചായത്ത് പ്രസിഡന്റ് ഷേര്‍ളി ദിലീപ് കുമാര്‍ യോഗം ഉദ്ഘാടനം ചെയ്തു. ജില്ലാ പഞ്ചായത്തംഗം കല്ല്യാണി എസ്. നായര്‍ അധ്യക്ഷയായി. സ്ഥിരംസമിതി അധ്യക്ഷ എം. പത്മിനി, ഗ്രാമപഞ്ചായത്ത് വൈസ് പ്രസിഡന്റ് ടി.എം അബ്ദുറഷീദ്, സ്ഥിരംസമിതി അധ്യക്ഷ സ്വപ്ന രാമചന്ദ്രന്‍, എ.ഇ.ഒ സച്ചിദാനന്ദന്‍ സംസാരിച്ചു. യോഗത്തില്‍ വേലൂര്‍ ഗ്രാമപഞ്ചായത്ത് പ്രസിഡന്റ് ഷേര്‍ളി ദിലീപ് കുമാര്‍(ചെയര്‍മാന്‍),സി.എസ് രാധാകൃഷ്ണന്‍ (കണ്‍വീനര്‍), വി.എന്‍ ലളിത (ജനറല്‍ കണ്‍വീനര്‍), എ.ഇ.ഒ സച്ചിദാനന്ദന്‍ (ട്രഷറര്‍ ) എന്നിവരെ സംഘാടകസമിതി ഭാരവാഹികളായി തിരഞ്ഞെടുത്തു.