തിരുവനന്തപുരം: കോഴിക്കോട് എരിഞ്ഞിപ്പാലത്തെ താല്‍ക്കാലിക സ്‌പെഷ്യല്‍ ജുഡിഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് (എന്‍.ഐ.ആക്ട് കേസുകള്‍) കോടതിയിലേക്ക് ഓഫിസ് അറ്റന്റന്റ് തസ്തികയിലേക്ക് കരാര്‍ അടിസ്ഥാനത്തില്‍ താല്‍ക്കാലിക നിയമനത്തിന് അപേക്ഷ ക്ഷണിച്ചു.
യോഗ്യത: അപേക്ഷകര്‍ക്ക് അതത് തസ്തികയിലോ ഉയര്‍ന്ന തസ്തികയിലോ കേന്ദ്ര സര്‍ക്കാര്‍ സര്‍വിസിലോ, സംസ്ഥാന സര്‍ക്കാര്‍ സര്‍വിസിലോ അഞ്ച് വര്‍ഷത്തില്‍ കുറയാത്ത പ്രവൃത്തി പരിചയം വേണം.
ഹൈക്കോടതിനിയമ വകുപ്പ്, അഡ്വക്കേറ്റ് ജനറല്‍ ഓഫിസ്, സബോര്‍ഡിനേറ്റ് ജുഡിഷ്യറി എന്നിവിടങ്ങളില്‍ പ്രവൃത്തി പരിചയമുളളവര്‍ക്ക് മുന്‍ഗണന. പേര്, വിലാസം, ഫോണ്‍ നമ്പര്‍, ജനന തിയതി, യോഗ്യത, പ്രവൃത്തി പരിചയം എന്നിവ രേഖപ്പെടുത്തി അപേക്ഷ വെളളക്കടലാസില്‍ തയാറാക്കി അയക്കണം. പ്രായം, യോഗ്യത, പ്രവൃത്തി പരിചയം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകര്‍പ്പ് അപേക്ഷയോടൊപ്പം സമര്‍പ്പിക്കണം. വിരമിച്ച കോടതി ജീവനക്കാര്‍ക്ക് മുന്‍ഗണന.
നിയമനം കരാര്‍ അടിസ്ഥാനത്തില്‍ 179 ദിവസത്തേക്കോ, 2017 മാര്‍ച്ച് 31 വരെയോ അല്ലെങ്കില്‍ 60 വയസ് പൂര്‍ത്തിയാകുന്നതുവരെയോ ആയിരിക്കും.
ഒരു ഒഴിവാണുളളത്. പ്രതിമാസ സഞ്ചിത ശമ്പളം 14000 രൂപ. അപേക്ഷകള്‍ സ്വീകരിക്കുന്ന അവസാന തിയതി ഒക്ടോബര്‍ 24 വൈകിട്ട് അഞ്ചുമണി.
യോഗ്യരായ അപേക്ഷകരെ ഇന്റര്‍വ്യൂ തീയതി നേരിട്ട് അറിയിക്കും. വിലാസം: ചീഫ് ജുഡിഷ്യല്‍ മജിസ്‌ട്രേറ്റ്, കോഴിക്കോട് 673 032 .