ശ്രീകൃഷ്ണപുരം: കടമ്പഴിപ്പുറത്ത് ബി.ജെ.പി ആര്‍.എസ്.എസ് പ്രവര്‍ത്തകരുടെ അക്രമണത്തില്‍ മൂന്ന് ഡി.വൈ.എഫ്.ഐ പ്രവര്‍ത്തകര്‍ക്ക് പരുക്കേറ്റു. കടമ്പഴിപ്പുറം ആലങ്ങാട് സ്വദേശികളായ എബിന്‍, അനീഷ്, ആനന്ദ് എന്നിവര്‍ക്കാണ് പരുക്കേറ്റത്. ഇവരെ കടമ്പഴിപ്പുറം സാമൂഹ്യ ആരോഗ്യ കേന്ദ്രത്തില്‍ പ്രവേശിപ്പിച്ചു.
ഇന്നലെ വൈകിട്ട് മൂന്ന് മണിയോടെയാണ് അക്രമണമുണ്ടായത്. ആലങ്ങാട് പാട്ടിമല കയറ്റത്തോടനുബന്ധിച്ച് മലയുടെ മുകളില്‍ നിന്ന് വാക്ക് തര്‍ക്കമുണ്ടാവുകയും തുടര്‍ന്ന് മലയിറങ്ങിയപ്പോള്‍ സംഘടിതരായി 15 ഓളം  ആളുകള്‍  ഇവരെ വടികളുപയോഗിച്ച് ആകമിക്കുകയായിരുന്നുവത്രെ.
സംഭവത്തില്‍ പൊലിസ് കേസെടുത്തു.