എടവണ്ണ:  പന്നിപ്പാറ ഗവ. ഹൈസ്‌കൂളില്‍ കുഞ്ഞിപ്രാതല്‍ പദ്ധതി ആരംഭിച്ചു.  എല്‍.പി വിഭാഗത്തിലെ  കുട്ടികള്‍ക്ക് പ്രഭാത ഭക്ഷണം നല്‍കുന്ന പരിപാടി അരീക്കോട് ബി.പി.ഒ ബാബുരാജ്  ഉദ്ഘാടനം ചെയ്തു. പി.ടി.എ, സ്റ്റാഫ്  സഹകരണത്തോടെയാണ് പദ്ധതി നടപ്പാക്കുന്നത്. പി.ടി.എ പ്രസിഡന്റ് യു. സിദ്ദീഖ്, അബ്ദുല്‍ കരീം കളത്തിങ്ങല്‍, ഹെഡ്മാസ്റ്റര്‍ പി.എക്‌സ് സാജിദ്, യു.പി സ്‌കൂള്‍ ഹെഡ്മാസ്റ്റര്‍ ചന്ദ്രന്‍, സ്റ്റാഫ്  സെക്രട്ടറി കെ.ടി സത്താര്‍ സംബന്ധിച്ചു. ഒരു അധ്യയന വര്‍ഷം മുഴുവന്‍ എല്‍.പി  വിഭാഗത്തിലെ കുട്ടികള്‍ക്ക് പ്രാതല്‍ ഭക്ഷണം നല്‍കാന്‍ വിവിധ വ്യക്തികളും സംഘടനകളും  മുന്നോട്ടുവന്നതായി പി.ടി.എ അധികൃതര്‍ അറിയിച്ചു.