കോട്ടയം: ബി.ജെ.പി ഒരു കാരണവശാലും കേരളത്തില്‍ അക്കൗണ്ട് തുറക്കില്ലെന്ന് മുഖ്യമന്ത്രി ഉമ്മന്‍ചാണ്ടി.യു.ഡി.എഫ് തികഞ്ഞ ആത്മവിശ്വാസത്തിലാണ് ഭരണവിരുദ്ധ വികാരമില്ലെന്നും ഉമ്മന്‍ചാണ്ടി പറഞ്ഞു. ഇടതു പക്ഷത്തോട് ചേര്‍ന്ന് മത്സരിച്ചപ്പോള്‍ പോലും ബി.ജെ.പി ക്ക് അക്കൗണ്ട് തുറക്കാനായിട്ടില്ല. പ്രധാനമന്ത്രിയുടെ സൊമാലിയന്‍ പരാമര്‍ശത്തിന് ജനം ബാലറ്റിലൂടെ മറുപടി നല്‍കുമെന്നും അദ്ദേഹം പറഞ്ഞു. കെ.കെ രമയ്ക്ക് നേരെ നടന്നത് ക്രൂരമായ അക്രമണമാണെന്നും ഒരു സ്ഥാനാര്‍ഥിയ്ക്ക് ലഭിക്കേണ്ട പരിഗണന അവര്‍ക്ക് കിട്ടിയിട്ടില്ലെന്നും അദ്ദേഹം കൂട്ടിച്ചേര്‍ത്തു.

കോട്ടയം പ്രസ്‌ക്ലബില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം