പരവനടുക്കം: ചളിയങ്കോട് പാലത്തിന് സമീപം കാര്‍ നിയന്ത്രണം വിട്ട് ഇടിച്ചു തകര്‍ന്ന് മൂന്ന് പേര്‍ക്ക് പരിക്കേറ്റു. തിങ്കളായ്ച രാത്രി പത്തര മണിക്കാണ് അപകടം നടന്നത്. മൂവരെയും സ്വകാര്യാസ്പത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. കാഞ്ഞങ്ങാട് നിന്ന് കാസര്‍കോട് ഭാഗത്തേക്ക് പോവുകയായിരുന്ന സ്വിഫ്റ്റ് കാറാണ് അപകടത്തില്‍ പെട്ടത്. അമിത വേഗതയാണ് അപകടത്തിന് കാരണമായതെന്ന് ദൃക്‌സാക്ഷികള്‍ പറഞ്ഞു. പാലത്തിന് സമീപത്തെ ഡിവൈഡറില്‍ തട്ടിയ കാര്‍ സൗരോര്‍ജ്ജ പാനലുള്ള വിളക്കുകാലില്‍ ഇടിച്ചു. പാലത്തിന്റെ കൈവരിയിലും തട്ടി. സൗരോര്‍ജ്ജ പാനല്‍ തകര്‍ന്നു