തിരുവനന്തപുരം: കണ്ണൂരിലെ സംഘര്‍ഷങ്ങള്‍ക്കു കാരണം ആര്‍എസ്എസിന്റെ ഇടപെടലെന്ന് മുഖ്യമന്ത്രി പിണറായി വിജയന്‍. കണ്ണൂരിലെ സംഘര്‍ഷം സഭ നിര്‍ത്തിവച്ച് ചര്‍ച്ച ചെയ്യണമെന്ന് ആവശ്യപ്പെട്ടുള്ള പ്രതിപക്ഷ എംഎല്‍എ കെ.സി.ജോസഫിന്റെ അടിയന്തര പ്രമേയത്തിനു മറുപടി നല്‍കുകയായിരുന്നു അദ്ദേഹം.

ജനങ്ങള്‍ ഭയാശങ്കയിലാണെന്ന പ്രതിപക്ഷത്തിന്റെ അഭിപ്രായത്തോടു യോജിപ്പില്ല. ആര്‍എസ്എസിന്റെ ബോധപൂര്‍വമായ ഇടപെടലാണ് സംഘര്‍ഷങ്ങള്‍ക്കു പിന്നില്‍. കഴിഞ്ഞ അഞ്ചു വര്‍ഷത്തെ കണക്കെടുത്ത് നോക്കിയാല്‍ കൊലപാതകങ്ങളുടെ എണ്ണത്തില്‍ കണ്ണൂരിന് ആറാം സ്ഥാനം മാത്രമാണ്. ഒന്നാമത് തിരുവനന്തപുരമാണെന്നും മുഖ്യമന്ത്രി വ്യക്തമാക്കി.