നാദാപുരം:  രണ്ടുകിലോ സ്വര്‍ണവും 12ലക്ഷം രൂപയുമായി യുവാവ് എക്‌സൈസ് സംഘത്തിന്റെ പിടിയിലായി. നടുവണ്ണൂര്‍ സ്വദേശി ചീനിക്കണ്ടിയില്‍ ജംജിത്ത് (28) ആണ് പിടിയിലായത്. മാഹിയില്‍ നിന്നും വ്യാപകമായ തോതില്‍  ട്രെയിനിലും ബസിലും മദ്യം കടത്തുന്നതായി  പരാതി ഉയര്‍ന്നതിനെ തുടര്‍ന്ന് എക്‌സൈസ് പരിശോധന കര്‍ശനമാക്കിയിരുന്നു. മാഹിറെയില്‍വേ  സ്റ്റേഷനില്‍ ഇന്നലെ മൂന്നരമണിയോടെ പരിശോധന നടത്തുകയായിരുന്ന  എക്‌സൈസ് സ്‌പെഷല്‍ സ്‌ക്വാഡാണ് സ്വര്‍ണം പിടികൂടിയത്.  ഇയാളുടെ കൈവശമുണ്ടായിരുന്ന ബാഗില്‍ നിന്നാണ് രേഖകളില്ലാത്ത രണ്ടുകിലോ ഇരുന്നൂറു ഗ്രാം സ്വര്‍ണാഭരണവും പന്ത്രണ്ടു ലക്ഷം രൂപയും ലഭിച്ചത്.
മാഹിയിലെ ഒരു ജ്വല്ലറിയില്‍ സ്വര്‍ണം വില്‍പന നടത്തിയ സംഖ്യയാണെന്നാണ് ഇയാള്‍ എക്‌സൈസ് സംഘത്തോട് പറഞ്ഞത്.