കുന്ദമംഗലം: പി.കെ സ്റ്റീലും വി.കെ.സിയും കോഴിക്കോട് എന്‍.ഐ.ടിയുമായി വ്യവസായ സംരംഭ ധാരണാ പത്രങ്ങളില്‍ ഒപ്പുവച്ചതോടെ മലബാര്‍ മേഖലയില്‍ പുതിയ വികസനത്തിന് തുടക്കമായി. വിദ്യാഭ്യാസ രംഗത്തെ ഗവേഷണങ്ങള്‍ വ്യാവസായിക രംഗത്ത് നടപ്പില്‍ വരുത്താനാണ് എന്‍.ഐ.ടി ഇത്തരം വ്യവസായ സ്ഥാപനങ്ങളുമായി ചേര്‍ന്നു പ്രവര്‍ത്തിക്കുന്നതെന്ന് ഡയറക്ടര്‍ ഡോ. ശിവജി ചക്രവര്‍ത്തി അറിയിച്ചു. നവംബറില്‍ രാഷ്ട്രപതി ഭവനില്‍ നടക്കുന്ന പ്രത്യേക ചടങ്ങില്‍ ധാരണാ പത്രങ്ങള്‍ കൈമാറ്റം ചെയ്യും.
എന്‍.ഐ.ടിക്കു വേണ്ടി ഡയറക്ടര്‍ ഡോ. ശിവജി ചക്രവര്‍ത്തിയും പി.കെ സ്റ്റീലിനു വേണ്ടി ജോയിന്റ് മാനേജിങ് ഡയറക്ടര്‍ കെ.ഇ ഷാനവാസും വി.കെ.സിക്കു വേണ്ടി മാനേജിങ് ഡയറക്ടര്‍ നൗഷാദുമാണ് ഇന്നലെ രാവിലെ ചാത്തമംഗലം എന്‍.ഐ.ടി കാംപസില്‍ നടന്ന യോഗത്തില്‍ ധാരണാ പത്രങ്ങളില്‍ ഒപ്പുവച്ചത്.