നരിക്കുനി: സാമൂഹ്യവും സാമ്പത്തികവും രാഷ്ട്രീയവുമായ ആകുലതക്കിടയില്‍ മനുഷ്യമനസ്സിന് ശാന്തി ലഭിക്കാന്‍ ആത്മീയതയാണ് പരിഹാരമെന്ന് പാണക്കാട് സയ്യിദ് അബ്ബാസലി ശിഹാബ് തങ്ങള്‍ പറഞ്ഞു.
പാറന്നൂര്‍ ഉസ്താദ് മെമ്മോറിയല്‍ അക്കാദമിയുടെ ആഭിമുഖ്യത്തില്‍ പുല്ലാളൂരില്‍ നടന്ന മജ്‌ലിസുന്നൂര്‍ ജില്ലാതല വാര്‍ഷിക പരിപാടിയില്‍ സംബന്ധിച്ച് സംസാരിക്കുകയായിരുന്നു അദ്ദേഹം.
ചടങ്ങില്‍ പി.പി അബ്ദുല്‍ ജലീല്‍ ബാഖവി, സി.എഛ് മഹ്മൂദ് സഅദി, ടി.പി.സി മുഹമ്മദ് കോയ ഫൈസി, കെ.പി കോയ, ഡോ. പി.പി അബൂബക്കര്‍, അബ്ദുല്‍ ലത്തീഫ് ഫൈസി, പി.പി സഈദ് ബാഖവി, ഉബൈദ് ഫൈസി, മടവൂര്‍ ഹംസഹാജി സംസാരിച്ചു.
ഹിഫ്‌ളുല്‍ ഖുര്‍ആന്‍ കോളജ് വിദ്യാര്‍ഥികള്‍ക്ക് വേണ്ടി നടത്തിയ മത്സരവിജയികള്‍ക്ക് ജില്ലാ മുസ്‌ലിംലീഗ് ഉപാധ്യക്ഷന്‍ വി.എം ഉമ്മര്‍ മാസ്റ്റര്‍ ഉപഹാരം നല്‍കി.
ആനമങ്ങാട് മുഹമ്മദ്കുട്ടി ഫൈസി മുഖ്യപ്രഭാഷണം നടത്തി. കിഴിശ്ശേരി ഉമര്‍ മുസ്‌ലിയാര്‍ ദുആ മജ്‌ലിസിന് നേതൃത്വം നല്‍കി. എം.എ റസാഖ് മാസ്റ്റര്‍ സംസാരിച്ചു. അനീസ് ഖിറാഅത്ത് നടത്തി.