ഫറോക്ക്: കോഴിക്കോട് കോര്‍പറേഷനിലെ അരീക്കാട് 41-ാം ഡിവിഷന്‍ ഉപതെരഞ്ഞെടുപ്പ് ഇന്നു നടക്കും. രാവിലെ ഏഴുമുതല്‍ വൈകിട്ടു അഞ്ചുവരെയാണ് പോളിങ്. കോര്‍പറേഷന്‍ മേയറായിരുന്ന വി.കെ.സി മമ്മദ്‌കോയ എം.എല്‍.എയായതിനെ തുടര്‍ന്നാണ് ഇവിടെ ഉപതെരഞ്ഞെടുപ്പിന് കളമൊരുങ്ങിയത്. പ്രദേശം കനത്ത പൊലിസ് വലയത്തിലാണ്. അരീക്കാട് ഡിവിഷനിലെ സര്‍ക്കാര്‍ സ്ഥാപനങ്ങള്‍, വിദ്യാഭ്യാസ സ്ഥാപനങ്ങള്‍ എന്നിവയ്ക്ക് ജില്ലാ കലക്ടര്‍ ഇന്നു പ്രാദേശിക അവധി പ്രഖ്യാപിച്ചിട്ടുണ്ട്.
യു.ഡി.എഫ് സ്ഥാനാര്‍ഥിയായ സയ്യിദ് മുഹമ്മദ് ഷമീലും എല്‍.ഡി.എഫ് സ്ഥാനാര്‍ഥി ടി. മൊയ്തീന്‍കോയയും തമ്മിലാണ് പ്രധാന മത്സരം. കൂടാതെ മറ്റു നാലു സ്ഥാനാര്‍ഥികളും മത്സര രംഗത്തുണ്ട്. നാളെ രാവിലെ 10 മുതല്‍ കോഴിക്കോട് ടൗണ്‍ ഹാളിലാണ് വോട്ടെണ്ണല്‍.