റിയാദ് : രാജ്യത്തെ ആദ്യത്തെ ആണവനിലയ നിര്‍മാണ പ്രവര്‍ത്തനങ്ങള്‍ ഉടനെ തുടങ്ങും. ഇതിനായി കരാര്‍ പൂര്‍ത്തിയാക്കിയതായി സഊദി ഊര്‍ജ മന്ത്രി ഖാലിദ് അല്‍ ഫാലിഹ് വ്യക്തമാക്കി.  ആദ്യ ആണവ നിലയത്തിന്റെ സ്ഥലനിര്‍ണയം ഉടന്‍ പ്രഖ്യാപിക്കുമെന്ന് വ്യക്തമാക്കിയ മന്ത്രി ഇതുമായി ബന്ധപ്പെട്ട വിശദാംശങ്ങള്‍ വ്യക്തമാക്കിയിട്ടില്ല. രാജ്യത്തിന്റെ വര്‍ധിച്ചുവരുന്ന ഊര്‍ജ ആവശ്യം പരിഗണിച്ച് അന്താരാഷ്ട്ര ആണവോര്‍ജ ഏജന്‍സിയുടെ അംഗീകാരത്തോടെയായിരിക്കും ആണവനിലയം പ്രവര്‍ത്തിക്കുകയെന്നും അദ്ദേഹം കൂട്ടിച്ചേര്‍ത്തു. വിവിധ രാജ്യങ്ങളുമായി സഊദി ഒപ്പുവച്ച കരാറുകള്‍ ഈ രംഗത്ത് ഏറെ സഹായകമാവുമെന്നാണ് വിലയിരുത്തുന്നത്.
വൈദ്യുതി നിലയങ്ങള്‍ പ്രവര്‍ത്തിപ്പിക്കുന്നതിന് ആവശ്യമായ ഇന്ധനം ലാഭിക്കുന്നതിനാണ് പുത്തഹിയാ ആണവ നിലയങ്ങള്‍ തുറക്കുന്നത്.