നിലമ്പൂര്‍: റേഷന്‍ കടകള്‍ മുഖേനയുള്ള അരിവിതരണം വെട്ടിക്കുറച്ചതില്‍ പ്രതിഷേധിച്ച് കോണ്‍ഗ്രസ് മുനിസിപ്പല്‍ കമ്മിറ്റിയുടെ ആഭിമുഖ്യത്തില്‍ താലൂക്ക് സപ്ലൈ ഓഫിസിലേക്ക് മാര്‍ച്ച് നടത്തി.
കെ.പി.സി.സി അംഗം ആര്യാടന്‍ ഷൗക്കത്ത് ഉദ്ഘാടനം ചെയ്തു. പാലൊളി മെഹബൂബ് അധ്യക്ഷനായി.
എ.ഗോപിനാഥ്, വി.എ ലത്തീഫ്, ഷാജഹാന്‍ പായിമ്പാടം, അഡ്വ.ഷെറി ജോര്‍ജ്, ഗിരീഷ് മോളുര്‍ മഠത്തില്‍ സംസാരിച്ചു.
തുവ്വൂര്‍: റേഷന്‍ വിഹിതം വെട്ടിക്കുറച്ചതിനെതിരെ തുവ്വൂര്‍ മണ്ഡലം യൂത്ത് കോണ്‍ഗ്രസ് കമ്മിറ്റി പ്രതിഷേധ പ്രകടനം നടത്തി. മണ്ഡലം പ്രസിഡന്റ് കെ.ലാലു, കെ.പി മോഹന്‍ദാസ്, ജിജോ, എന്‍.ടി ബാബു, സുനില്‍കുമാര്‍, മനോജ് നേതൃത്വം നല്‍കി.